2022年11月22日星期二

隨心有感- 深思自我方向

前晚終於睇完KANO 本書 <<動態現金流>>
內容太豐富, 好想打番文 去紀錄下自己既學習

心中想堅持迫自己打文, 有種同自己對話的感覺
由2019年到現在2022年尾期間, 學習投資, 學了幾個大方向:

1. 長線投資, 不要估市, 持續住放錢入市場, 享受複利與時間做朋友

2. 偏向擁抱有現金流既投資方法, 現金流如血般, 有流動, 才有得玩落去, 可攻可守

3. 開始擁抱借貸及Margin, 運用得時, 盡食利差, 享受現金流自動去槓桿

4. 善用期權特性, 爭取多少少回報

但係其實學既都只係大方向, 其實好多野仲係唔識, 而感覺自己進步得好慢
想嘗試列舉出要點, 插爆自己 (已經講左幾年)

2022年10月18日星期二

個人組合- 雜亂 2022Q3

 

直至18/10

Ytd = -3.93% 
SPY = -21.87%, QQQ = -31.97%, HSI = -26.68% 

無打文一段時間, 理由係諗唔到有咩可以紀錄
亦可以解作沒有長進 

簡單總結現在的投資思維

1. 大約6-7月中已經沽貨減槓, 現在已經沒有開槓

2. 美股加息周期未完, RF 年底至少4.5%, 
    大市仲未到合理值, 部份個股UnderValue to Fair

3. 問題解決左未先?
    - 長期通脹去番 2-3%?
    - 俄烏戰爭
    - 油氣結構性問題
    - 英國鬥膠事件
    - 強國動態清零
    無人知個市之後會點, 但係問題未解決前, 都係保守D, 注意風險為上
    防守就係最好既進攻

4. 注意風險唔代表100% hold Cash or 清哂手上既股票
    因為無人知個市會係點, 所以近月都有不斷買股, 買到開始用哂D子彈

5. 都係睇自己投資標的, 近月買的多為港股收息股
    計DDM下又抵, 再加上現收息接近9-10%回報, 業務穩健既公司
    其實都真係唔洗諗咁多, 收住息等價值回歸, 進入減息周期將會係
    保守後方重要的一員, 可以盡情開槓買番其他仲抵買既現金牛公司

6. 靜待機會來一個黑天鵝, 然後會開槓買貨


簡單總結上回文章由 31/5 至到 18/10 期間既投資操作

1.  係6月尾全清1211 (估值過高及減槓)
     係7月中全清KLAC (不理解業務及減槓)
     係7月中全清3918 (減槓)
     係7月尾全清 14 (減槓及息率未夠吸引)
     係8月15 美股回彈, 減持了一半NVDA , 全清MSCI (估值過高)

2.  加了1310 作為收息組合
     增持了1883
     6-7月增持了ASML/BX/TSM/LGEN
     9月尾增持了LGEN/PHNX

3.  不斷運用期權增強現金流及做對沖

4. 股票分佈比例 HK=47%, US = 27%, GB = 22%, EU = 3%

5. GBP.HKD -> 9.42 & 9.35 6月中還左
    GBP.HKD -> 8.3    9月尾又換番 泥買貨
    早還左, 不過無人知既, 對比係10既年代, 都係賺左
    EUR.HKD ->8.18 6月中還左

反思下過去所操作 或 現在的投資思維

1. 所有的投資思維都建於睇別人既思維所歸立出來
    如Group news /Pay 床, 呢D睇完再理解既一種總結
    算唔算屬於自己呢?
    我知道呢個唔係我最終既想要既野

2. 事後馬後炮, 自己仲未有一個正式既DCF Model,
     多數參考別人既功課下, 其實之前買落既TSM 都仲未imply RF 5%
     成為個股中最重傷, 對比現價$65 -33%, 但係現價又真係under value 緊
     反而有D無勇氣再加貨, 出現典場散戶心態

3. 事後馬後炮, 8月15反彈, 清左部份倉, 主要想減槓
    成個市場既風氣 同D 問題呈反比方向, 加上估值過高
    所有減持 及全清個股, 但係做得唔夠透切, 可以大膽D減倉
    或者大膽D用期權做對沖, 幸好之後都有做期權回血 
    不過呢D事後孔明既野, 到時可能又會衰貪心 or
    " This Time is Different"

4. 這種參考別人的功課或心法的投資操作, 自己要有心理準備
     一定會有機會某部份損失, 要有自知之明, 好讓自己追趕上來

5. 標題為雜亂是因為這幾個月好忙, 但係唔知忙緊D咩
    但隨著忙完之後, 及開始練習冥想後, 思路開始慢慢清晰番

6.  很快要成家了, 應該短暫也離不開香港, 隨著樓價回落, 部署下年有機會要買樓
     希望可以用自己既組合 DRAW錢出泥 比首期及減輕供樓壓力
     最理想不用賣股比首期

有彩彈, 前日做左D 樓市功課, 各區呎價Summary 

2022年6月5日星期日

個人組合-為未來作最壞打算

 Prepare to the Worst 

近來係心中最常出現的一句座右銘

好多事情都不能控制,但我們至少還可以作出準備

先說投資方面

1. 5月不斷先用margin 吸納大型科技股

2. 賣出Futo 餘下持股1177 -50% / 1928 -35% / 354 +50%

其原因如上季所說,不了解不清楚亦都懷疑是不是一盤好生意,還有市場上有更加可確認性而又特價既公司出現,因此作出換股。

有關換股的Logic,應該根據其兩間公司的估值/折現率(投資者的要求回報率)/ 公司未來生意的穩定性(可確認性)/ 自由現金流(現在賺緊錢 還是未來先有可能賺緊錢)/ 增長率 等去考慮 

3. 減持了一半823,清了16 作減槓之用,因為換了GOOG

4.股票分佈比例 HK=52%, US = 28%, GB = 17%, EU = 2%

相對上一季 (US 佔 9% / UKEU 佔 21% / HK 佔 70% ) 比較之下,
有好勤力係美市買野,首次買入MSFT & MSCI & ASML,
加倉NVDA/BX/BAM, 分段加GOOG 每5%一注

5. 最近開始睇番懶系投資法既書,準備學下買債既野,從來沒有玩開債
但我相信加息是一個幾好既時機可以嘗試入場,研究定就差不多

6. 還有一樣投資項目暫未安排,突然家母有約25-30萬的股票轉落我戶口

所以在IB到 開了另一個獨立戶口 裡面有 0003 同 2628 ,就算知道股票體質
有問題,但我都不想理它,家母只要求準時派息比佢。 或者我會等時機
運用些少它們的LTV,加大息率。有待研究

FUTO 倉已全清, IB 現在是全倉


直至31/5

Ytd = +12.05% 
SPY = -12.79%, QQQ = -22.42%, HSI = -7.6% 
LTV = 1.35/5.14 , Max Draw Down = 69%, Excess Fund / Gross Value = 56%
這裡介紹番數簿blog 整左幾好用既Excal
IB跌幾多會爆倉? Max Draw Down-Excel Model 更新 (2)

<<長文>><唔關投資事>><<我的煩惱>>
想了解更多90sDan 都可以睇埋落去

2022年5月9日星期一

隨心有感 - 中午短打 "換左貨未"

沒有近來,一個字搞到自己好"忙"!
除左正職,同個兄弟夾住開左間有限公司!
咩都唔識,加上自己唔係咁喜歡判野出去比人做。
好多野自己由零開始學,仲係好蠢,唔識buy other people time
比左一年時間自己試下。

基本上停哂睇書,睇下谷既MSG, PAY床都已經用哂時間
仲要留番D時間比另一伴。仲有報左D短期課程學下
時間過得好短,但好似發生左好多野,好充實既生活

講番投資方面,近排既諗法同行動

1. 可能會配置番些少 INDEX, 因為自己少左時間係投資方面學習,
    但仍然深信投資係每個人既終生學習課題

2. 近排不斷係美市買野,主要係GOOG/ NVDA/ TSM / ASML,
    主力加GOOG

3. 明白貨比三家既道理,主要都係睇折現率,如果大家都係咁平
 你地會點選擇?
 我自己現階段會選擇一間可預測性,及增長性穩定又高既公司
 換貨既機會就在眼前

4. 近排無追得咁貼谷友既MSG, 但係追番大致個觀感都係好變態
    當出面D人開始叫哂慘, 覺得驚既時間, 谷既話題, 都係今日加左咩
    其實投資就係咁簡單,亦都係好老土,你明白了道理,或調節好自己
 心態,做好功課同自己做估值,或參考別人估值也好,無論你個餅幾大
 幾細都好,5年10年15年20年或更遠,其實都係一樣做法。
 跟住公司內在價值走。

5. 今日正式YTD進入負數,進入捱打狀態,
 其實真正既股災都未到,我感覺仲有好多人未識驚,包括我自己
 但係依家既心態離奇地穩定,對股市沒太大感覺
 唔知係好定壞

6. 都係個句,Keep Investment ! 做隻精明既黑羊 !







打開係會得罪人既文

2022年4月4日星期一

個人組合 - 2022Q1 寫給自己的信

小心長文!

回看1月所寫的2022目標 <<隨心有感 - 2022目標>> & <<買賣記錄 - 20220125-20220126>>

簡單總結 2022Q1 完成或有邁進的目標 

1. 整個首季都是執倉為主, 賣走自己不太認識的股票

2. 清FUTO倉及轉倉到IB

3. 嘗試MARGIN, 優化組合, 買入高息及穩健的股票, 確保有足夠利差及LTV 作保守

4. 分散! 買入歐洲/英股(佔組合20%) & 美股 (佔組合 9%)

5. 曾經持有現金, 在適合既時機上分段進場, 可投資的現金已經用完

6. 現Margin 位置大約 1.2 , 可以承受6-7成跌幅, 初運用, 偏向保守

由於IB 已超接近全倉, 所以直接用佢出既回報率
本年至今 Rate of Return YTD = +7.45% 
SPY = -4.62 % / HSI = -5.66% / QQQ = -8.76%


2-3月份之買賣紀錄如下:

2022年3月11日星期五

隨心有感 - 3月之你shopping左未

記錄一下3月
由於戰爭/通脹/油價/市場情緒, 股市市場波動得好勁
但就造就左Shopping 既時機 ! 當然希望世界和平就最好
但有D野唔到我地決定 ! 唯有可以做既就係做好準備!

問大家一個問題 !

真係有戰爭出現, 貨幣好易都係會無價值, 咁係咪應該去買番D資產?
超級通脹出現, 貨幣又會好快咁唔值錢, 咁係咪應該去買番D資產?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢個月買了不少US 同UK 股票
當中UK 佔最重! 
執筆之時港股恆指在20553位, 其實好多股都算平
但係因為本身已經太重佔比係港股, 又就單純收息野泥講
英國三寶 較為吸引! 
LGEN & MNG & PHNX 已佔 Total 21% 
LGEN & MNG 出業績後, 急速快彈, 好似戰爭已經不存在咁
在一次証明, 分段買入, 岩價就入, Stay with 估值, 減少估市
唔洗理會市場情緒
暫時UK 收息股都買夠, 有部分係買左GBP, 大部分係借GBP 泥買 
盡量減少匯率風險 

另外希望會再入隻歐洲股名牌股
LVMH / RMS

US 方面:
少量買入NVDA/ KLAC/ FB/ BAM /MSFT/ ADBE / GOOGL /TSM

月尾會打一篇 季結, 依家仲執緊倉同換股, 基本上 可投資既cash都差不多用哂
另外已經開始有開拳, 開拳後發覺世界好大, 亦都開始明白點解谷友
唔會hold cash ! 做到真正既All in, 月尾再分享感受

不過要提多一次自己
靠自己能力一定唔會識呢D股票, 亦都要明白呢D功課其實唔屬於自己
唔好估市! 努力一路買 ! 一路學吧 !

風險-> 呢排思考緊如果出現 滯脹, Invert Yeild Curve, 油價太高
個投資環境又會變成點? 
如果普京落唔到台, 真係癲係上泥玩核戰, 成個歐洲又會變成點?

所以都係要提自己保持購買力, 減少margin, 持有1st tier 股
MegaTech / 有超強定價能力既公司 / 有超穩定現金牛 
同時留意個股同國家要再分散D 
無得估, 唯有做好準備, 岩價就買! 


打飛機圖 - MNG

2022年1月26日星期三

買賣記錄 - 20220125-20220126

執整倉目標為本

1. 賣走, 其實我都唔係好清楚既公司

2. 減少持股, 之後慢慢做功課擴大能力圈

3. 轉移資金去投資高息及業務相對穩定的股票, 加大被動現金流, 穩定為主, 為日後Margin準備

4. 執整FUTO 餘下股票 轉去IB 

5. 增持多一點現金, 靜待機會買股 及 結婚用錢

6. 超少量買入美股, 主要迫自己真係要學習係US/UK投資 及分散, 同時採取倒金字塔分段買入, 
減少人為錯誤, 及避免人為估市, 市場唔一定會大跌, 亦都唔一定會持續上揚, Who knows? 
但係一間好既賺錢公司, 長遠泥講,就一定會價值回歸, 所以都係避免自己Time the market.

7. Keep Investment ! 

記錄如下:

2022年1月25日星期二

隨心有感 - 2022目標





事隔左大半年,終於又的起心肝執整下個倉位,賣左好多自己根本無乜點睇既股,完全係靠運氣地賺, 或者就係因為懶成日都唔睇市先坐到咁耐唔賣。BTW, 懶左好耐,今年好大機會又可以玩財富大轉移既遊戲,之前轉左一半倉落IB,今日轉埋其餘,整裝待發。呢幾個月要努力做下功課! 記錄一下 。

2022目標

1. 希望可以加大被動現金流(股息),進可攻退可守
    -仲未試過100%倉位, 但就打爆左自己儲蓄部份既私貸額
    -今年會嘗試玩低margin within 1.1-1.2 (現在0, 仍然等機會)
    -不過最後可能會用margin 泥作為結婚所需用的資金
    -所以要求穩定, 主要買入REIT/房地產/高現金流既收息股為主
    -大概想佔成個倉 7成左右 (其實無限死,邊到平就買邊到)

2. 襯加息或縮表,分段買入1st tier 美國科技股同半導體, 暫時target
    (Apple/Nvda/Tsm/goog/msft/asml)

3. 睇好加息週期及通脹長遠對金融/資產利好的關係, 分段買入(BX/BAM/LGEN/MNG), 
    琴晚跌市, 好小量買入BX, 作為起始
    -未做功課, 純粹跟買 (大方向不變, 對自己過往既坐貨能力有信心 例子baba -> 依家帳面跌左30% , 不過都係佔倉位2-3%, 執整左倉後可能會加多少少)
    -預左會跌, 愈跌愈買 直至到target 倉位 (但未實際諗每隻股佔幾多)

4. 分散! (過往都係集中在港女) , 希望增大US / UK 既投資

5. 加息中後期, 希望可以玩下債券 (要重溫風大書)

6. 試埋今年, 如果仲係好懶, 唔肯睇年報同學習實踐, 下年開始會逐步轉移買 ETF + 收息 margin 既
    打法, 最緊要知道自己做緊咩野, 承受緊咩風險

後記:
 
雖然上年都未去到好差, 但係自問仲係一個傻散同新手既功力, 
再唔努力追上, 之後會憑實力去番屬於自己既財商所擁有既資產, 
雖然倉位仲係好細 

心裡見証好多位blogger 同谷友 係2020年開始學習到依家個個功力深厚 
覺得自己唔知有無機會去到個D Level, 但就好肯定我既執行力好大問題 
呢樣野唔改變, 成個人都升level唔到

有次同其中一個谷友傾過對樓市既睇法, 係佢身上已經見到佢一早已經計劃左 
泥緊3-5年既方向, 而反思自己真係見步行步, 未有部署及管理可言. 
所以點都要搵方法幫自己! 走入富人既思維同行動力!
 
下年真心仲係學藝不精, 會轉心力嘗試做生意
(2020-2021 搞過網店, 都有搵到D細錢, 但因為覺得個方式太笨,而慢慢無做[可能係懶],
btw 羅到一個幾好既經驗, 亦都深深知道, 真係認真做生意係搵到食)

"Never say Never"
一位突然直接比票走,一星期就飛去英國既同事
留左呢句說話, 令我心入面留有好大既回響
香港愈泥愈唔香港, 我都想試下衝出去見下個世界
公屋仔, 視野好細, 希望日後有能力

資產追唔不上人工, 不要再看人工做人!


2021年8月26日星期四

價值投資 - 溫書 (附屬合營聯營公司/ 估值模型)

溫書節錄 :

附屬公司 = 持股 > 50% -> 合併脹去入數 
-> 損益表 其營業額,盈利入帳 再以小數股東權益/ 非控股權益 拆走條數
-> 資產 負債 同樣

合營/聯營 =  通常 20-50% ->聯營 無控制權 , 合營有控制權
- >營業額不會入脹-> 按比例在盈利反映
->資產負責 不會入帳, 整係會入 權益部分
-> 其合營聯營公司 不會入落經營現金流  -> 所以要係 經營現金流到扣減番
-> 派息 會有現金流 -> 入落投資活動

純利 -> 盈利 - 合營-聯營-其他收益- fair value - 非控股

Net Current Asset Value NCAV ->( 流動資產 - 總負債) / 股數

收益法 = 淨租金 / 收益率 ( 資本法率 -> 租金回報率 -> 考慮物業質素 / 租金增長潛力
-> 增長力高 , 收益率 調低
-> 質素高, 收益率 調低
-> 風險高, 收益率 調高

現金流折現法
Free Cash Flow to Equity FCFE 股權 自由現金流 -> 內在價值
Free Cash Flow to Firm FCFF 企業自由現金流 -> 不考慮利息支出 -> 計算 企業總價值

折現率
FCFE -> 考慮股權層面 
FCFF -> 先用EBIT - 稅 + 折舊 - 資本開支
         -> 考慮股權與債務 -> 加權平均資本成本 Weighted Average Cost of Capital WACC
           -> 考慮債務利息成本?

增長率>折現率 -> 無限大

增長率考慮 -> ROE * (1 - 派息比率) -> 留下資金的增長率 
股東資金 1000萬 盈利 200萬 ROE 20% -> 派息比率 60% 
20 % * (1-60%) = 20% *0.4 = 8%

重估淨資產估值法 RNAV 
Revalued Net Asset Value
-> 地產股 
-> ( 物業面積 * 市場價 - 淨負債 ) / 總股本
-> 淨負債 = 總負債 - 現金
P / RNAV = 股價 /RNAV 能否 少過 1

NAV 淨資產價值法 
-> 地產發展企業
-> 分析售價與成本因素 , 所得淨現金流 再折現 減去負債  = NAV

P/S 估值法 (Price/Sales) , 數字愈高愈貴
-> 銷售行業 -> 盈利可能被操控 (特殊收益 會計因素)
-> 股價/每服營業額
-> 營業額 / 總股數 = 每股營業額
10年每股營業額 , 10年平均股價 -> 中間4年合理區 -> 有代表性每股營業額 * 合理市銷率

EV Enterprise Value 企業總價值

EV 企業總價值 = 總市值 + 淨負債 + 少數股東權益 
淨負債 = 銀行貨款 + 公區發行債券 - 現金 (應付脹不計算) (考慮債務上出資的部份)

EV 估值法
EV/ Sales 
EBIT Earnings Before Interest, Taxes
-> 未計利息, 稅項前的利潤 
EBITA Earnings Before Interest, Taxes, Depreciation and Amortization 經營現金溢利
-> 未計利息, 稅項前的利潤, 折舊, 攤銷

EV/ EBITDA 估值法 (原理與市盈率相同) (企業總價值 與企業 得到經營現金溢利 比較)
-> 資產型企業 
-> 缺點 -> 原計利息,稅, 折舊, 攤銷, 都是成本 -> 不全面

1. 計算EBITDA = EBIT + 折舊, 攤銷 計算十年  
可以比較EBITDA 利潤率 = EBITDA / 營業額
2.計算十年市值  = 中位數 股價 * 發行股數 (A+H股)
3.找少數股東權益 (資產負債表) / 銀行借貸 (流動&非流動) / 現金
4.EV=總市值 + 少數股東權益 + 銀行貨款 + 公司發行債券 -現金
5.EV/EBITDA = 企業價值倍數
6.十年取4年合理值
7.有代表性EBITDA * 企業價值倍數 = 合理EV
8.股票總市值 = 合理EV - 少數股東權益 - 銀行貸款 - 公司發行債券 + 現金
9.合理值區間 = 股票總市值 / 發行股數 


保險
-> 盈利 (保險業務得益 / 浮存金 產生投資收益
內涵價值 (人壽獨有 )
->內含價值 Embedded Value
-> 可理解 經調整淨資產價值 
->  Embedded Value = 有效業務價值 Value of In-force Business + 調整後淨資產 Adjusted Net Asset Value
->調整後淨資產 = 脹面值 (考慮市價因素調整)
-> 有效業務 -> 現時有效保單,以未來現金流折現 計算出現時價值
-> 市涵率 = 股價 / 每服內涵價值
-> 市評率 = 市價 / 評估價值  (保險公司市盈率)
-> 評估價值 Appraisal Value ( 內涵價值 + 未來新保單業務價值 Value of Future New Business) 
-> 新業務價值 New Business Value , NBV ( 這年內賣出保單, 可分析增長速度)
-> 評估價值 = 內涵價值 + NBV * Multiple 
-> Multiple -> 考慮 質素及增長力 , 預期之後NBV 當中的增長 
-> 一盤保險企業 同10 , 較優勢 可15 -> (考慮增長率?)
-> 市評率 = 市價 / 評估價值  = 1 為合理價 

分類加總估值法 Sum of The Parts Valuation (SOTP)
-> 綜合企業 

~~~~~~~~~~~~~~~~~~~~~~~~~~~~~~~~~
發覺溫完 有好多詳細做法要再參考其他資料 先可以完善
有待更改... 

2021年8月19日星期四

隨心有感 - 與兄弟的飯局

男人大過左, 唔係講女就係講錢
事源同一個相識二十年的兄弟慶生吃飯
講起投資, 我話700, 9988 都比較抵買, 而引起左討論如下:

1. 記住買股票唔洗睇跌幾多個%
2. 因為你認為的合理價唔係機構投資認為的合理價
3. 一般當旺股之前升到高位係過份追捧丶過份憧景或炒過龍。當佢從高位回落,跌2.6%又或者跌26%,只係回應返之前升幅。所以就算業績好或者冇特別壞消息都可以繼續跌。
4. 因為大隻的股票不是散戶可以令佢升丶跌,而是機構投資者
5. 另方面,香港本來已弱勢市場,外圍個個升到創新高香港市都唔郁,唔好妄想追落後,弱勢只 會繼續弱勢落去,如果外圍市況回調第一個衝擊定係港股會跟住跌得仲深。
6. 喺外國撤資丶外圍消息中概沒有投資價值丶中國打擊科網巨頭丶罰款同埋政策市,呢個股票就  一定會繼續跌落去,隨便都可以再跌62%。
7. 另一方面點解外圍市況全部咁好呢?有冇諗過係因為好多外資喺香港嘅資金已經轉去玩外圍市  場,早排趁 30,000點已經不斷套現走人,只係啲散戶到依家仲未醒水以為30,000跌到26,000係可
以再博反彈。
記住當散戶越溝越心淡發現有問題嘅時候,時間就已經係10月大閘蟹當茬時間啦。
8. 香港股市同埋成份股已經唔係國際化,變咗大陸化,只有大陸嘅資金係可以令到股市升或跌,   
但係大陸嘅經濟政策係要平穩市場,所以港股應該冇得再玩㗎啦,更何況好多外地基金都係對   政策是最敏感。

9. 投資心理學所說的定錨效應(Anchoring Effect)。
即人們在進行判斷時,容易受到最早取得的資訊(也就是定錨點)的影響,就像沉入海底的錨一樣,把你的思維固定在某處。又如投資者因著先前見過的價格,便會將那個價格錨定為合理值。當看到股價從高位下跌,便會有很多人覺得抵買,是千載難逢的入市機會,爭相衝入市撈貨。
其實價格從來均是由市場決定。很多時不是理性的計算,每個時間每人認為的合理價格皆不同,價格便宜與貴很多時只是一種感覺罷了。所以,無論之前見過的價格如何,並不代表那就是一個合理的價值。現在雖然很多股的股價均看似很吸引,但股價從來不是升高了不代表貴;跌了下來也不代表便宜。

我回應 9. 

佢講得好岩
不過佢講既只係價格
但投資者要識value企業“價值“
從來都唔係睇歷史 “價格”
係好應該睇番間公司既營運狀況
亦即係現金流! 
就好似做老細咁, 首先知道間公司賺唔賺錢,再用賺錢既cash flow折現番 企業價值!😂

我:

唔理大市升定跌
知道間公司價值幾多
有信心去到心目中價位咪買,
唔代表買完一定即升,或者可以再跌
咪再買,最緊要睇番自己組合個投資策略,
你知道超市7折會去買,如果再5折,你會唔會再去買? 
當然如果你買夠日常用品(組合上限) 咁咪再等下羅😂

友人: 咁其實超市既價格都係機構定
友人: 咁點解佢會做五拆比你先
友人: 只不過係你相信左機構比你既量化標準姐
友人: 越多人信個標準咁個標準先會有越準確既錯覺
我: 你咁講 無野可以講😂
      因為社會建構 法制 貨幣 都係基於一位信字, 咁跟住呢 ?

友人: 以700泥講, 你唔會計得準過結構投資者, 依家呀爺話收你皮就收你皮, 你睇下恆大就知
依家對700泥講最大既風險就係政策風險, 同埋成日用過往既賺錢既營利去計幾年後既價值
有意思咩? 唔會浪漫時間成本咩? 你肯定佢一定會跟以往賺錢? 其實依家就係賭緊錢
你賭緊佢政策 對佢賺錢能力無太大影響, 所以覺得抵買
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我想記錄一下, 雖然我帶出左個主題, 但係我比較少解釋同出聲 
可能自己功力未到家, 唔識點樣去逐一解釋, 但亦都有好幾個位, 值得我自己再深思一下

回應番  1 - 3 
大概認同, 其實估值從來都好個人化, 股價緊會升升跌跌, 但最後都係回歸本身應有既內在價值 (何為內在價值? 問自己) 
回應 4, 
其實唔好比咁多市場動向 亦即是(Noise) 影響到自己, 睇番企業內在價值 
回應 5 & 7, 
宏觀經濟唔識睇, 亦都唔識估, 盡量同自己講 唔好估市!  最多人講既係 美國加息, 股市會回調, 同樣香港會跟住一齊跌, 我又想反問, 咁點解唔可以咁諗呢 -> 美國加息, 投資高位獲利, 令市場回調, 散戶又恐慌, 跟住賣, 之後斬CALL, 資金流動性高 搵位走 見到港股 長期折讓, 又衝番哂入泥買 ? 結論 who knows? 又係回憶 企業價值
回應 6 & 8, 
我認同依家香港最大既風險係政策風險, 但其實呢個風險一直都存在, 所以係估值方面要盡量保守, 再加多D 折讓先買

不如我地嘗試下 用呀爺既角度諗下, 佢想做D咩 (亂講, LM 將來自己睇番笑 自己)
- 呀爺將來想要係科技上 追上美帝, 搞死9988同700 有無好處? 
- 呀爺想將人民幣數字化, 想利用去中心化既區塊鏈 控制貨幣, 所以收緊9988, 700 既金融業務, 但將來要推廣又會透過咩途徑?  定還是純粹想整合?
- 控制與整頓是必然, 因為咁樣先可以再統一 推行自己既政策
- 一孩 -> 二孩 無耐 又即推 -> 三孩 (人口老化問題?-> 藥業需求?), D人唔想生仔原因? 主因 樓價高? 教育洗費 真係咁高咩? 遊戲又真係咁影響青少年咩?


後記: 
- 好多野無得估, 如果無信心既就唔好買 
- 其實量化D泥講, 賭唔賭 都係一個概率既問題, 如果計過數, 覺得機率與回報可接受, 可嘗不是一個機會?
- 投資環境可能真係變左, 但係以上年疫情為例, 無人行街嫁啦 / D人全部WFH , 鋪頭無人行, 零售死哂, 結果-> 大家可以睇番823 走勢
- 我自己衰都係睇人做估值, 覺得抵開始買, 可能信心會無咁大, 比D FD講一講 會懷疑一下自己係咪真係太樂觀, 不過其實 都係睇番組合佔比, 開始建倉700 同9988 又唔係ALLIN, 輸左都無乜點, 最緊要係有現金流既股比我回血 ! 再趺再買! 
- 好想自己可以快D 進步, 可以同番D FD講番自己既理念, 因為有好多位我都唔識駁番人
或者可能我自己都係半桶水 
- 呢個兄弟2019年 我初學價投睇書, 都不斷有借書比佢睇, 同佢分享我既理念, 但最後佢始終都係唔係同路人, 感覺有點可惜, 感覺大家價值觀好唔同, 開始人大左, 唔肯聽對方講, 堅持已見
點都好, 咩方法都好, 長遠賺到錢就得, 希望過多幾年, 我可以有能力D 去分享 我既理念




2021年8月12日星期四

功課文: 00659 NWS Holdings Ltd (一) 收集資料 (公司年報/中期報告/簡報/業績)

事緣谷友一句話 "睇幾多書 / 睇幾多BLOG文 / 谷友分析都好, 都唔及自己做一次既經驗好"
所以決定要迫自己培養番一直逃避既習慣 "做功課" 
以前一直都好想整定一個Template 儲起 公司業績數據, 方便一出新業績就可以即刻計數
同埋辛苦極都係做一次Template, 但就係遲遲都未做 哈 
都好耐無做功課, 好多野唔記得哂, 應該會慢慢分幾PART 
試下自己係咪真係拆解到一間公司
見BLOG 友 力推 659, 我又抄左功課, 就羅泥試驗下, 之後下隻係1883
一邊溫書一邊打文一邊做功課, 所以出文進度會比較慢
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
為左學習衝出海外, 本次功課文會運用 https://www.morningstar.com/ 上的數據
不過不可以完全相信二次資料既關係, 也會做一個Template 儲起年報數據 再作比較

注意 呢篇 完全係新手文 !!

功課文大綱:

- 收集資料
- 了解公司業務
- 財務比率分析
- 現金流分析
- 運用不同估值模型
- 個人投資策略

收集資料 (公司年報/中期報告/簡報/業績) 

首先係morninstar 到下載 3 大報表  + Key Ratios 
再係公司到下載簡報/年報/中期報告
再係披露易下載公司業績 ( 因為如果懶唔想睇文字海年報, 可以係業績到快速羅數據計數)

接下來就係做功課既時候 -> 一開始我應該會先睇簡報了解公司初步業務先 

功課文: 00659 NWS Holdings Ltd (二) 了解公司業務

打開有圖解點搵資料

2021年7月27日星期二

跌市之興奮 加薯仔投資組合

好懶懶到唔想寫文,簡單咁講近來
懶左大半年,無乜點操作,坐係到數錢
又睇左好幾本書,開始研究下區塊鏈既技術
PS: 區塊鏈 不等於 加密貨幣

投資方面,仲係覺得自己好多野唔識,亦都好懶
睇完兩本現金流為王,開始想建立一半現金流一半高增長既組合
(當中想一半港股,一半美股)
Starman乃真神人也,好佩服佢既投資哲學,視野非常前衛,
尢其是2021年睇番佢2015-2017既書,感覺更深。

講左好耐開IB, 終於前一兩星期開左,準備
射哂啲股票去IB 。
開IB原因:

1. 跳出港股,靜待時機買其他國家企業/債
2. 準備開拳建立現金流組合
3. 覺得自己開始適合去下一階段進發
4. 覺得自己hold 太多cash time the market

點解唔一早開IB: 

原因可能係懶 哈哈 不過
認真開始識識地投資大約2019年尾到現在
開始慢慢印証自己所學既投資理念係行岩路
由2020年3月借左ploan 買股(當開左拳)
個時整係識買港女
所以無心急開IB 再開拳
想講下我依家既組合

號碼     均價          現價    直至 27/7 (比重由上以下)

1211   @36.13  @204(當初純粹買電動車,主因都係龔成)
1830   @1.89   @7.3(1.5 建倉 2.5 加注,接近20厘息既股票,等位加注,憂慮管理層既風氣)
823    @63.02  @75.4(會揸一世既股票)
1113   @39.95 @53.85
354     @3.99  @12.08
12       @29.4  @35.6
1177   @8.27 @6.33( 等機會換貨)
1         @50.14 @57.85
1972   @19.38  @22.20
1061  @3.61  @6.25(當初初學睇年報,覺得基本面幾好,想賣左去換659)
659    @7.92  @7.96(抄功課 準備再加注)
1928  @31.3  @26.95(想盡快換貨 應該換3918)
270    @10.64  @10.56   (抄功課)
1883  @2.52  @2.50(抄功課同貪高息,會再加注)
939    @5.83  @5.52(好耐以前買)
1810  @10.05  @24.35(當初初學期權唔識玩,17$ 比人call走左9成貨)
2858  @5.61 @2.04(2017第一次接觸股市,抽新股,輸左幾萬蚊,留番一手提醒自己留念)

港股跌到今日成個組合仲有約 20% YTD
如果扣除借錢個筆數,應該會更高
Cash vs stock ratio
20:80

呢兩日跌左差唔多2000幾點,對組合傷害不太大,可能多地產股
26/7 買左@192.4 9988
27/7 今日 又買@177.8 9988
因為一直無貨,所以會想建倉買700同9988,愈跌愈興奮。

近排入左kano 數簿 小薯搞既新谷,搵到志同道合係興奮,同時亦都覺得好大壓力,因為資訊太多,睇唔切,裡面既人,好多都高手,個個都好勤力,對比自己咁懶,好慚愧,同埋真係好多野唔識,自問自己真係睇唔到咁多野。好想配合大市氣氛,買賣抄下功課就算,最緊要知道自己做緊咩野。

仲有樣野想紀錄下,未試過重倉經歷一個完整股市週期,一直都覺得自己仲未測試到自己係咪真係克服到人性既情緒, 但係呢幾日咁跌,我自己真心會好興奮,覺得有啲企業好貴到開始進入合理價再到開始踏入抵買,就大力開始買入或換貨,回想起,自己有呢個心態,真係覺得好神奇。
因為身邊真係好多好多都唔係睇價值既人,而比價格影響自身情緒

跌市先泥寫野,成篇都係係巴士程車寫出泥
時間唔夠用,碎片化是常識
最後,其實我仲搵緊自己最舒服既投資方法。

2020年10月7日星期三

隨心有感 - 近來20201007

 離開了Blog 的世界 一段時間,沒有重大事情發生。

主因是懶及花多了時間陪伴身邊人。

懶了一段時間,漸漸會沒有動力,所以想慢慢培養番寫Blog的習慣 。

寫Blog,可幫助自己沉思(迫自己做多 d功課)。

昨天,看到Blog 友 kepler 介紹左 2020年的價值投資書單 .

於是一口氣買了,九本電子書,如下:

雖然話懶,係呢兩個月都睇左幾本書


取之有道2<<積財有技>>修訂版 - 止凡著

主要想睇借個PART

睇完止凡既書, 覺得初學者真係好岩由 取之有道1 開始睇起

絕對好過小薯最初睇龔成既書 (雖然佢永遠都係小薯最初既啟蒙老師,)

但論書中內容的深度及保留度,止凡真係無私分享自己的經驗

不過,龔成的80後百萬富翁的確都值得一看。

小薯上過龔成的堂, 當中的很多例子,小薯係止凡的書到搵到好多相類似。

點都好,學到既野係自己,無野話值唔值得既。

至少起左一個頭比小薯深研落去。

取之有道3 富在財商 - 止凡著

心法書

資產配置 逆向思維 - 鍾記著

心法加實例計估值

又買左三本書: 

現金流為現 1 & 2 - Starman著 (睇緊第一本中)

富爸爸窮爸爸 (開左個頭, 又無睇落去, 想睇現金流為王先)


有D目標想做而一直未做:

1. 開 IB AC 射哂D股票去 IB

2. 開始學買BOND & 美股 (不過依家US, 呢個時勢又買唔落手, 太高估值, 或許從CEF著手?)

3. 寫篇Blog 公開自己 港股組合 (反思自己仲係一個投基者)

4. 寫篇Blog 反思上年至現今的買賣心態 (從學習價值到現今心態)

5. 寫篇Blog 分享三月一生第一次借 私人貸款買股 (應該係人生中一個幾大決定)

6. 寫篇Blog 分享自己三年前乜都唔識 , 抽新股都可以輸左成4-5萬 


小薯主要港股組合, 股VS 現金 約 7 : 3

因早年輸左幾多錢,直至20201007,參考Ticker 時間加權平均收益率

總組合大概正回報10% (已計股息及手續費)

如果剩計開始真學投資果個組合大約 25% (已計股息及手續費)

如果剩計借個筆投資果個組合大約 15% (已計股息及手續費)

共11隻股票 沒有開拳

小薯依家回顧過去,一切都係自己好彩,係一個好既買入時機買入。

但其實小薯知道自己仍然未經歷一個完整股市週期,趺市的心理壓力測試。

所以小薯仍然是一個投基的散戶,離價值投資及做老闆的角度,仍然有一段路要走。

小薯希望可以好似其他Blog友咁,可以咁快分析一間企業及數簿得咁深入

每每看到他們的見解,就覺得自己只係一個完全無做功課的傻散。

—————————————————————————————

愈泥愈唔鍾意香港,但係心又好鍾意香港

情懷也許一直會存在心中,但時勢已不能回

現在不斷增長自己見聞及能力,才可以看得更遠更透

知道得愈多,愈發覺自己知得愈少

知道得愈多,愈發覺世界的荒謬