2022年6月5日星期日

個人組合-為未來作最壞打算

 Prepare to the Worst 

近來係心中最常出現的一句座右銘

好多事情都不能控制,但我們至少還可以作出準備

先說投資方面

1. 5月不斷先用margin 吸納大型科技股

2. 賣出Futo 餘下持股1177 -50% / 1928 -35% / 354 +50%

其原因如上季所說,不了解不清楚亦都懷疑是不是一盤好生意,還有市場上有更加可確認性而又特價既公司出現,因此作出換股。

有關換股的Logic,應該根據其兩間公司的估值/折現率(投資者的要求回報率)/ 公司未來生意的穩定性(可確認性)/ 自由現金流(現在賺緊錢 還是未來先有可能賺緊錢)/ 增長率 等去考慮 

3. 減持了一半823,清了16 作減槓之用,因為換了GOOG

4.股票分佈比例 HK=52%, US = 28%, GB = 17%, EU = 2%

相對上一季 (US 佔 9% / UKEU 佔 21% / HK 佔 70% ) 比較之下,
有好勤力係美市買野,首次買入MSFT & MSCI & ASML,
加倉NVDA/BX/BAM, 分段加GOOG 每5%一注

5. 最近開始睇番懶系投資法既書,準備學下買債既野,從來沒有玩開債
但我相信加息是一個幾好既時機可以嘗試入場,研究定就差不多

6. 還有一樣投資項目暫未安排,突然家母有約25-30萬的股票轉落我戶口

所以在IB到 開了另一個獨立戶口 裡面有 0003 同 2628 ,就算知道股票體質
有問題,但我都不想理它,家母只要求準時派息比佢。 或者我會等時機
運用些少它們的LTV,加大息率。有待研究

FUTO 倉已全清, IB 現在是全倉


直至31/5

Ytd = +12.05% 
SPY = -12.79%, QQQ = -22.42%, HSI = -7.6% 
LTV = 1.35/5.14 , Max Draw Down = 69%, Excess Fund / Gross Value = 56%
這裡介紹番數簿blog 整左幾好用既Excal
IB跌幾多會爆倉? Max Draw Down-Excel Model 更新 (2)

<<長文>><唔關投資事>><<我的煩惱>>
想了解更多90sDan 都可以睇埋落去



1. 換股及買股來得不夠決斷 <<1211 / 270 >> 未賣 , 不過1211 已做SC
     買股方面有不斷進行GTC Order 避免人為估價,
     採取策略是與上次一買入價相差 5-10% ,  

2. 時間限制, 自己喜歡左試右試, 不單是投資方面, 還有個人方面,
    還有與友人學做生意方面, 搞到自己D時間打亂哂, 其實靜心一想
    不想弄到自己太忙, 先要想想自己的初心

近來各方各面都有少許煩心, 不知道是不是人近30, 開始有點迷茫
先嘗試列出自己所煩心的問題

1. 職場上開始踏入, 同級同事之博上位鬥爭
2. 與友人開公司做生意之消磨時間
3. 為未來作最壞打算之報讀電a牌
4. 投資進步速度緩慢
5. 與另一伴的未來

我諗應該這類問題, 大家應該都會遇過, 自己寫出泥希望可以理清思緒

回答1. 職場上開始踏入, 同級同事之博上位鬥爭

-> 很簡單, 問自己番工是為左咩? , 於我而言

    -> 有穩定既現金流去做投資
    -> 學左投資一段時間, 早早已經覺得投資是我的終身事業
    -> 反而現在的工作只是我的副業
    -> 最好我的工作位置係可以做自己野 (睇投資野/睇書/營運自己間公司)

-> 我會煩惱的原因是 因為自己性格是一個實幹型同責任心重既人
-> 但係我係好唔鍾意同人鬥爭野, 做到爾虞我詐, 唔係做唔到, 係唔想做

    -> 基於以上, 問自己Why not both? 又升到又可以做自己野呢
        -> 可能自己信心不足, 但其實進一步問自己, 係有數得計
        -> 機會成本如何? 升左之後多左幾多人工?
        -> 要跑幾耐, 用幾多心力先可以升到? 升到既機率係幾多?
        -> 同樣用番以上既心力, 放係投資方面, 會係點? 邊一面會值博D
        -> 其實我心目中有個答案, 因為由始至終, 我都唔諗住做好耐野
        -> 我既目標係可以盡快財務自由, 去尋找更多既人生意義, 人生唔係整係得錢
        -> 現在的我一直深信投資&複利&時間, 會幫我達成我既目標

-> 最理想緊係搵到一份自己鍾意既工作,就應該無以上所有煩惱, 可惜我仲尋找緊

回答2. 與友人開公司做生意之消磨時間

其實呢件事係唔知點解會發生左出泥, 原本諗住同一個識左20年既兄弟, 
想出去租番個地方作一個工作室, 大家有個腳落點撞下D 思維, 或者邀請
唔同既人過泥傾下計, 或者搞下D 讀書會/交流會咁既出發點
但之後就無啦啦變左一間公司, 主要係圍繞個兄弟既專長出發 <<裝修>>
我負責好多前期既Setup / Social media / website design / 開公司手續 /搵客之類
將平時佢地行內手寫既野電子化, 試下搵下唔同既平台合作,
自己再去報讀左D 驗樓師課程, 諗住可以擴大下D能力圈
但係

-> 覺得搞到自己好忙, 忙到投資方面係會停哂進度, 會反思自己係到做緊咩
-> 開公司既目的係咩? 老實說, 依家既我都唔知, 因為我有一日同個兄弟講,
我自己既中心思想係投資, 所以我都會用投資角度去諗呢間公司既營運,
所以一開波, 我就問佢行內大約既利潤率係幾多,  值唔值得去做

->了解左呢行之後, 我發覺最好搵就係個D所謂既平台
-> 方間既裝修平台會幫手搵客, 再介紹比加盟既裝修公司, 佢地都係左手泥右手去 (空手入白刃)
-> 但加盟既公司, 首先要比年費 (穩定現金流), 然後會成功配對及個客比左訂金之後,
就會直接收你某%既收成, 有D係首訂要比, 有D係尾期先比, 將營運生意風險轉嫁番比裝修公司
-> 所以點解愈泥愈多所謂既平台出泥, 其實佢地都係2015/2016 起家出泥 如 GOGOVAN
-> 當做到個生意份額去到咁上下, 下一步就會証卷化 (上市Cap 水)

-> 番回自己公司, 如果公司一開始沒有知名度, 去加盟其實唔係一個好差既做法
-> 至少要有番現金流營運番公司, 但係其實最後好可能都係打番自己份糧
-> 再諗

回答3. 為未來作最壞打算之報讀電a牌

發覺身邊好多專業人士都離開左, 大家都知咩事
我其實一直決定唔到自己既去留, 但係我會此作好準備
一泥去考多幾個牌, 等自己身上多幾把刀, 到時去邊都易D搵食
當然如果投資方面可以足夠令我存到一大筆資金走 就最理想
但需要時間慢慢複息, 我能做的可能應該是增大自己可投入資本 及 投資既回報率

現在自己有幾個想法的

1. 其實讀電A牌可以轉去國外既電牌, 二來可以幫裝修公司申請個承辦商
2. 驗樓果個課程都係可以考個所謂驗樓師牌, 都可以幫裝修公司加大能力圈
    二來自己可以接freelance, 再介紹自己間公司, 國外可能都有用
3. 感覺自己唔應該向下發展, 應該要向上發展, 其實自己既學歷可以考到香港工程師牌
    但係好早放棄左, 依家要重新考,花既時間成本可能好高, 所以可能會考慮報
    讀Master 再去考英國個邊既工程師牌, 相對時間成本無咁高
    仲有Master 走佬又會加分, 唯獨要諗係咪真係有必要咁做

待續.

回答4. 投資進步速度緩慢

如上文所說, 學投資或者進行投資係我人生既終生事業
投資可以是 "自己" "股票" "債券 "生意" "房地產"
這年頭自己所指的投資是集中 係"股票" 與 "自己"

1. 原本應該花最多心力既地方, 變左無時間去學, 有點捉錯弄神
     -> 花左心力係咪代表真係有進步呢?
     -> 又去番果個問題, 睇年報睇PPT, 深入研究公司既商業模式,對我係一個好大既門檻
     -> 反而計估值應該係最客易, 最難既係如何判斷各方因素
     -> 由年頭到過左半年, 要檢討既都應該自己知, 為何還不執行?

2. 想每天花時間看書,好多野唔識,要靠書本既知識幫補下

     -> 其實每朝都有碎片化時間,上班那段車程是看書的好時間,但係時間仍然不夠用

3. 如何平衡生活,如果諗留比投資既時間換去陪伴家人與友人既時間會變成點? 

     -> 之前睇過止凡一篇blog and YouTube 講投資回報的重要因素

    如果好努力去加大回報或者增加資本 ,到頭來失去左年輕有既時間值唔值?
    每個人心目中都應該有一把尺,於我而言只要每年持續投資好公司,
    享受複利與時間既威力,能力好啲又有啲運仔可以跑win 大市
    或者 與大市相若已經好好。

如果以呢個思路去諗,點解我仲會咁迫自己?
大多都是想快啲財務自由,咁就要再問自己

你願意付出嗎?


後記:

近來有睇過原子習慣(先睇完頭兩章),覺得幾有趣,分享一下。

往往一般人想建立一個習慣,係會由結果推論,
由外到內進行,所以好多習慣好易被打斷

外到內的思維

如我想減肥,可能會內心同自已講我要做運動,節食其實亦等於潛意識承認自己係一個肥人

內到外的思維

另一角度去想,我想成為一個健康既人,該問自己一個健康既人會做啲咩野?可能係做運動/可能係節約飲食等等

現在要問的是你想成為一個怎樣的人,而那些人平時又會做什麼呢?








沒有留言:

發佈留言