沒有近來，一個字搞到自己好＂忙＂！
除左正職，同個兄弟夾住開左間有限公司！
咩都唔識，加上自己唔係咁喜歡判野出去比人做。
好多野自己由零開始學，仲係好蠢，唔識buy other people time
比左一年時間自己試下。
基本上停哂睇書，睇下谷既MSG, PAY床都已經用哂時間
仲要留番D時間比另一伴。仲有報左D短期課程學下
時間過得好短，但好似發生左好多野，好充實既生活
講番投資方面，近排既諗法同行動
1. 可能會配置番些少 INDEX, 因為自己少左時間係投資方面學習，
但仍然深信投資係每個人既終生學習課題
2. 近排不斷係美市買野，主要係GOOG/ NVDA/ TSM / ASML,
主力加GOOG
3. 明白貨比三家既道理，主要都係睇折現率，如果大家都係咁平
你地會點選擇？
我自己現階段會選擇一間可預測性，及增長性穩定又高既公司
換貨既機會就在眼前
4. 近排無追得咁貼谷友既MSG, 但係追番大致個觀感都係好變態
當出面D人開始叫哂慘, 覺得驚既時間, 谷既話題, 都係今日加左咩
其實投資就係咁簡單，亦都係好老土，你明白了道理，或調節好自己
心態，做好功課同自己做估值，或參考別人估值也好，無論你個餅幾大
幾細都好，5年10年15年20年或更遠，其實都係一樣做法。
跟住公司內在價值走。
5. 今日正式YTD進入負數，進入捱打狀態，
其實真正既股災都未到，我感覺仲有好多人未識驚，包括我自己
但係依家既心態離奇地穩定，對股市沒太大感覺
唔知係好定壞
6. 都係個句，Keep Investment ! 做隻精明既黑羊 !
打開係會得罪人既文
7. Keep住用margin係美市買多左野之下，亦都因為未來既不確定性因素更大，
優先為自己定立賣出股票次序或換股次序，作減槓及逃跑救生計劃，如下：
優先賣出《1972/1177/270/354》作換股減槓
如果再平啲既話會考慮減持《823/16》或清《1211》
《823》 一直視為逃跑計劃亦都等同作備用現金
8. 近來同呀哥交流多左，發覺佢又開始主動積極投資，但係咁多年都係短炒為主，
結果應該都係唔理想，其實近排同幾個兄弟都傾開相關主題，都係短炒為主，
有一個玩牛熊7萬起家，玩到百幾萬，但係呢排又輸番哂，幾個月泥都係得個吉，
零和遊戲。其實我對所有打法都無話好否定，無話短線一定係錯，長線就一定係岩，
最緊要都係長遠都賺到錢就得啦。
但發覺佢地都有一個共通點，可能會用資本少唔夠大為由，而唔學玩價值投資，
或者市場會吹噓＂本少無野輸，唔玩高風險點炒大個本，本少無野好輸＂，
如果係20出頭年輕人真係照做又輸哂，都叫做有時間追番，
咁如果三四十頭出頭既青年人呢? 人生又可以經歷過幾多股災shopping time?
假設A君21歲月儲1000$, 一年12000, 每年10%複息回報, 供十年, 之後唔再供 Vs
假設B君31歲月儲1000$, 一年12000, 每年10%複息回報, 一直供到65歲
A君係30歲總投入12萬, 資產連回報$191,249
A君係65歲總投入12萬, 資產連回報 $5,374,566
B君係65歲總投入42萬, 資產連回報 $3,252,292
重點: A君只係供頭十年 (年輕人既黃金十年, 可以放係index, 咩都唔理)
B君後來居上, 但都追唔番輸左既時間成本
可見年輕人最大既本錢 就係 "時間" 與 "複利"
其實如果B君要追回時間成本, 必須要加大投入資本 及 回報率,
係呢到又有分野線, 咁究竟 加大回報率, 是不是一定要去賭高風險呢?
其實呢到每個人都不同，如何去追回失去既時間成本，
我腦海中出現左幾隻字！＂穩健＂＂學習＂＂努力＂＂堅持＂＂槓桿＂
不過投資係緊要，都要搵適合自己既打法，不要太迫自己係投資成績
方面突然有大躍進，要時間累積。
另一方面，如果玩短炒係純賭博的話，何不解去增大自已資本去投資
亦都是投資自己，增大自己主動收入，想辦法增大資本投入，總比去賭較為實際
投資自己永遠是屬於自己的資本（能力／人脈／機遇)，但今次短炒賭岩左，
下次呢？下下次呢？ 能夠不斷重覆而避免零和遊戲嗎？
仲有一樣野好重要既野想表達 ！
羅馬不是一日建成，投資心態亦是！
無論本少本大都好，建立一個良好心態係可以行少好多錯路！
當你真係短炒，搵到一桶金，真係能夠收心養性轉玩價值投資？
祝大家 年年賺大錢
沒有留言:
發佈留言