前晚終於睇完KANO 本書 <<動態現金流>>
內容太豐富, 好想打番文 去紀錄下自己既學習
心中想堅持迫自己打文, 有種同自己對話的感覺
由2019年到現在2022年尾期間, 學習投資, 學了幾個大方向:
1. 長線投資, 不要估市, 持續住放錢入市場, 享受複利與時間做朋友
2. 偏向擁抱有現金流既投資方法, 現金流如血般, 有流動, 才有得玩落去, 可攻可守
3. 開始擁抱借貸及Margin, 運用得時, 盡食利差, 享受現金流自動去槓桿
4. 善用期權特性, 爭取多少少回報
但係其實學既都只係大方向, 其實好多野仲係唔識, 而感覺自己進步得好慢
想嘗試列舉出要點, 插爆自己 (已經講左幾年)
1. 致命傷 -> 成日避左落手做既過程
收集左好多資料, 睇左好多人既文章或comment, 但係唔經自己手
好快會唔記得, 實際別人的分析, 不等於擁有自己的分析, 欠缺思考
2. 唔夠專注! (可能都係因為懶, 逃避)
成日都會做左其他投資以外既野, 咩都學下, 變左無樣精
3. 無一套好完善管理自己學番泥既知識, 加上無落手做, 好快D野唔記得
之後又要再重新PICK UP, 不斷輪迴, 好似睇書咁, 睇完好易唔記得左書中既要點
4. 迷失方向之20尾, 工作上/家庭上/社會上 變化, 令我好易有種想避世既感覺
隨著家庭與工作開始穩定落泥, 自己既思維開始清晰番, 所以才有呢篇文
5. CD-Rom? 性格問題 多數以觀察者身份去學習, 無積極參與討論, 如果可以多D
出聲, 或者可能會加快進步. 我知道基石谷既原意係想拋磚引玉之餘, 仲想大家多作分享
終於每個人既能力圈不同, 睇法唔同, 可能會有唔同既Inspire, 一同學習
呢個學習模式, 其實我自己都好鍾意, 不過自己太屎, 有時真係唔知講咩
過左MSG 後又唔想再特登討論番
6. 年頭話加息週期尾, 會試下玩下債, 到依家仲未動手
之前講過, 如果仲係不長進, 就會開始轉陣投資Index, 依家自己仲未好想放棄住
因為投資係一件好長遠及持續進行既事, 我仲想增長自己既"財商",
" Seeking for Alpha "
我自己既定義:
1. 有能力去管理及善用自己既資源, 如理財/ 運用借貸力/ 善用投資
2. 有能力看到別人看不到的機遇, 如賺利差, 善用知識穩固自己投資的時機
3. 能夠看破工作只是被別人另類槓桿, 盡快跳出羊圈
4. 持續學習
5. 能夠持續執行及貫徹以上思維
只要不離開市場, 有感自己不斷增加財商, 儘管步伐比較慢
有時同友人相談, 其實感覺自己開始有點離地, 究竟係咪我既自大?
經過這幾年啟蒙, 由好雀躍去分享自己所學及介紹書本與同齡人 到慢慢開始接受
每個人的步伐與性格不同, 有些事情是不能強求, 或許其他路徑適合他人
而我的確又未好有能力去分享更多 !
投資性格 及每個人投資目標既局限 及步伐都不同 - 文章介紹
- Kano <<投資是人性格的延伸，必須明白自我的風險喜好>>
- 數簿三步曲 <<2021總結; 回報18%; 讀者Q&A>>
<<我個盤係點運作? 其實係跟李嘉誠搵食!>>
<<買一隻股票前, 應該諗諗兩個問題先>>
想歸立自己弱項作整理:
1. 再審視自己組合, 結合財報, 估值
PPT/ 財報 問題導引
-> 呢個係做緊咩生意既公司?
->唔同國家佔比? 會有供應鏈影響?
->供應商同客戶群佔比?
->有護城河?
-> 5-10年的未來發展如何? 增長點如何?
-> 財務狀況
-> 毛利率/純利率/Ebitda
-> OCF/FCF/Capex (Growth / Main)
-> 負債比率
-> Cash Conversion Cycle, CCC
估值
-> DCF/DDM
2. 了解更多債券篇
-> CEF / 直債 / SSF
-> 會參考<<懶系投資法1,2 >>, <<動態現金流>> 及Kano Blog 作更多整合
-> 如何利用利率週期作買賣時機
時間, 資本, 知識
投資雖然好睇時機, 都幾有運氣成份, 但更多既係自身擁有幾多知識
投資回報 = 時間 乘 資本 乘 知識
係有限既資本裡 同 有限時間裡 (快財自), 想加快投資回報的話,
我覺得只能不斷努力增大自己既知識同能力圈, 擁有更多知識
能夠處理更多既風險, 別人看在風險的東西, 慢慢地變為你的人血饅頭
希望我有朝一日可以做得更好
沒有留言:
發佈留言